AmiranTasnaselkimt

Ammas n yisefka n Tnegga n Yisalan n Lezzayer ad d-iqam i usezdeɣ n yisemlen n Internet

Tanegga n Yisalan n Lezzayer tesɛa ammas n yisefka ara d-iqamen i usezdeɣ n yisemlen n Internet d usmidel n ugbur yettwasnelkmen (tasenselkimt n usigna) s uḍman n tɣellist n yisefka igerrzen d wadaf ɣer ugbur deg yiḍ, deg wass yernu yal ass.

S uḍfar n yiwellihen imaynuten n unabaḍ ɣef urmud n uselɣu deg Internet, d usenfar n tanaḍt taslekmant yeqqnen ɣer urmud n uselɣu deg Internet ay yettwasmemmin ass n ukras deg temlilit n unabaḍ, ladɣa amagrad 6, ammas n yisefka n Tnegga n Yisalan n Lezzayer yewjed ad isekker yernu ad d-yelhu s yisutren n usezdeɣ.

Ammas n yisefka n Tnegga n Yisalan n Lezzayer aṭas n yiseggasen aya seg wasmi ay yellan yernu yemmezg-d d tesnatwilin timaynutin. Ammas-a yessezdeɣ akk irmuden n tnegga, ula d isemlen-nnes n Internet yemgerraden (www.aps.dz, webtv.aps.dz) d wid n yimsaɣen-nnes uffiɣen. Seg wayyur n Ctembeṛ, asmel-a yessumur-d imeẓla n usezdeɣ s mennaw n tsemsal.

Akken ad yessezdeɣ yiwen asmel-nnes deg wammas-a n yisefka, tanegga ad as-d-tessumer tallunt n uḍebsi deg yiqeddacen n Windows neɣ n Linux.

Deg wayen yerzan imeẓla ifekkanen, amsaɣ ad as-d-fken amnenniḍ atrisan d urkid yernu yemdeswel, aẓeḍwu aselkiman yettwammestnen s yiɣerban n tmest yernu ad yesɛu azawag n uzray i yiman-nnes neɣ d ucrik.

Deg wayen yerzan tadumṣukt tuhlist, asefrek n tmacinin tuhlisin, iẓeḍwa uhlisen, aḥraz n yisefka, usuɣal n yisefka d tedbelt n teɣbula, aya akk d ijenyuṛen d yimsatwilen n tnegga ara d-yelhun yes-s.

Taɣuni n Internet tesɛa 70 n yimigabiten i tsint yernu d tin ara yeǧǧen amsaɣ ad yesɛu tazzalt d tameqqrant n tɣuri d tirawt.

Imegraden yettaken anzi

Bouton retour en haut de la page