AmiranTasnatwilt

Atlay : iṛbuten igezzun aẓar n umeslay

Aṭas uya, imdanen sxertimen kan, suffuɣen-d imesla ur yettwafhamen ara. Ass-a, teḍḥa-d taluft n wamek i ssawḍen ad utlayen d tameɛwaṣṣut ɣef tussna. Taṛubutit tezmer ad ɣ-d-tefk tayett i wakken a negzu atlay akked yiẓuran n umeslay. D tikli yessewhamen.

Tamsalt icudden ɣer yiẓuran n watlay tettuḍerref azal n lqern. Tura teqqel-d. Simmal rennun-d imnadiyen yettxemmimen a s-d-afen tifrat s usemres n yimegziyen i sneflint tussniwin n ummeẓdu. Iṛubuten zemren a ɣ-slemden mačči d izli n tɣawsiwin ɣef umeslay.

D acu i d aẓar n umaslay ? Wissen ma zemren iṛubuten ad ɣ-ɛiwnen i wakken a negzu tatlayt-nneɣ ugar ? © Sergey Nivens, Shutterstock.

Turda d akken atlay n umdan akked tutlayin d inagrawen inmezgayen imeẓda, yellan d agemmuḍ yeddsen i yiman-is d-yekkan seg tegrigawt tadinamit tamazdayt n yimdanen, yettmettaken anzi gar-asen akken i teggent tmadiwin d wamek bennunt leɛcuc-nnsent, mebla ma yal ta deg-sent tesɛa aɣawas n tɣessa tummidt.

Jean-Claude Heudin, anemhal n IIM (Aɣsur n internet d ugtelɣu) yewwi-d awal ɣef tmuɣli-s n tnigalsaẓri, ɣef yimal n tegzi taragmawant akked iṛubuten.

Anagraw aragmawan : ttawil i tegzi n watlay

Netta, di tidett, inagrawen inmezgayen imeẓda uɛren, mačči d kra, i tegzi. Ttawil axaṭar nezzeh ara ɣ-yellin tiwwura n usnefli n wakaz-nneɣ ɣef ddemma-nnsen d asali n yinagrawen iragmawanen, ladɣa iṛubuten.

Atlay-nneɣ yettak anzi ɣer lɛecc n tmadiwin (Nasutitermes triodae), am di tugna agi d-yettwaṭṭfen di tmurt n Ustral : d agemmuḍ yeddsen i yiman-is n tegrigawt gar waṭas n yemdanen. Hat-a i wacu inagrawen iragmawanen, ladɣa wid n iṛbuten, zemren a ɣ-slemden ayen-din n tɣawsiwin ɣef yiẓran n watlay.© Piotr Gatlik, Shutterstock

Akaram-a yettruẓu asalu ɣer wadduf deg wul n tmukrisin yerzan ɣer watlay d yiẓuran-is, i wakken ad nefhem akmaren itwilanen d tlufa icudden ɣer inagrawen iragmawanen deg tegzi n watlay.

Ɣret daɣen :

  • Amezruy n tṛubutit : seg yiwurmawen ɣer iṛubuten imezwura
  • Azunalsen d tewliwelt : d abrid ɣef iṛubuten yettaken ugar anzi ɣer yimdanen
  • Tiddest n watlay : tazrawt n watlay sɣur yiṛubuten
  • Ubiko : aṛubut anermas d-yettarran ɣef tuttriwin-nnwen
  • Tigzi taragmawant tezmer ad telmed tutlayt war tallelt n umdan
  • Wissen almad n tutlayt ma iḍerru-d ɣer umgun
  • Tigzi agi taragmawant, tezmer ad tɣer di tidmi-k u ad tutlay deg umḍiq-ik
Tiɣbula
Futura Sciences
Amawal
Atlay : langageTussniwin n ummeẓdu : sciences de la complexitéInagrawen inmezgayen imeẓda : systèmes adaptifs complexesTagrigawt : interactionTurda : hypothèseTimadiwin : termitesTanigalsaẓri : transhumanismeTigzi taragmawant : intelligence artificielleAkaz : intuitionTimukrisin : problématiquesAkmaren : contraintesItwilanen : techniques

Imegraden yettaken anzi

Bouton retour en haut de la page